Donnie The Craw, a poem by Clive Grewcock at

Donnie The Craw

Donnie The Craw

written by: Clive Grewcock


Donnie the Craw headin’ thro’ the teemin rain
on marcat day wi’ his hungert dog an’ coorie cane.
A length o’ ragg’d twine ta haud
his breeks roun his scrawny frame.

Collectin’ his messages pil’d to a bonnie hicht
wi” nocht a penny ta see the licht
oot o’ the darkness o’ Donnie’s ticht pooch.
Donnie gies a smile an’ a promise
an’ his messages are in his poke by nicht.

On the daurk path hame
the Craw grac’d the Auld Red Hen
wi’ a hoolie o’ tales an’ gaffaw
on a drouthy nicht wi’ nocht a penny in haun.

Donnie bocht a flow o’ drams till closin’ time
payin’ wi’ his messages ment fae hame
then led stottin’ up the path
haudin on tae dog an’ baler twine.

Latest posts by Clive Grewcock (see all)